Основната идеја за режим на исхрана по часови потекнува од францускиот лекар Alan Delabosa, кој регистрирал свој програм во 1986 година. Од тогаш па до сега хроно исхраната се менувала и усовршувала.
Др. Ана Гифинг како голем подржувач и промотор на овој вид на исхрана, за своите пациенти вовела покрај останатото и фаза која е наречена – рестрикција. Тоа е период во кој телото се чисти и организмот се прилагодува на новиот начин на исхрана. Токму во оваа фаза најмногу се намалува телесната тежина.
Oсновни принципи на кои се базира хроно исхраната
- Создавање на алкална средина во организмот (обезкиселување) затоа што закислувањето предизвикува хронични воспалителни и дегенеративни заболувања (карциноми, инфаркт, шеќерна болест и сл.)
- Правилен временски распоред на дневните оброци – задолжителни се три главни оброци во денот (доручек, ручек, вечера) со временско растојание од 4-6 часа меѓу нив, кога не треба да се внесува никаква храна, дозволен е внес на вода и билни чаеви
- Глуциден индекс (ГИ) – брзината со која одредени храни го зголемуваат нивото на шеќерот во крвта (гликозата) односно примена на така наречени спори шеќери, т.е. сложени јагленихидрати во исхраната.
Најважни правила во рестриктивниот период
- Периодот на рестрикција е задолжен. Минималниот период на рестрикција трае 28 дена и е период во кој телото се прилагодува на исхраната. Рестриктивниот период се применува се додека не се дојде до посакуваната тежина, после тоа се преминува на вон рестриктивен или траен режим.
- Во Хроно исхрана количините не се мерат, се јаде додека сме гладни, три пати на ден во период од 4 до 6 часа, најправилно е на 5,5 часа.
- Кафето е дозволено да се пие само 2 пати дневно и тоа 30 минути после појадок и ручек. Дозволено е какао 2 до 3 пати неделно.
Генерални забрани во хроно исхрана
- забранет е внес на течности 30 минути пред и по оброк (вода, билен чај, лимонада).
- забранети се секакви видови на сокови и засладени напитоци. Дозволена е минерална вода до 2 чаши дневно.
- забранет е внес на шеќер, мед, натрен и други засладувачи. Од засладувачи, дозволена е само Стевиа.
- забрането е кравјото млеко.
- овошје не смее да се јаде во рестрикција освен лимон и авокадо.
- забранет е маргарин. Дозволен е путер и маст.
- забранет е секаков вид на оцет, дури и домашен. Како замена се користи лимон.
- во рестрикција e забранет мешункаст зеленчук како: грашок, пченка, компири, грав, ориз и боранија.
- забранети се соја и соини производи.
- забранет е секаков вид на алкохол освен црно суво вино, до 4 чаши неделно. забранети се овошни чаеви, црн чај и чај од Хибискус. Дозволени се билни чаеви.
Правила и насоки за хроно леб
- сите брашна во ХИ треба да се интегрални.
- забранет е квасец и домашна маја без разлика дали пченичното брашно е интегрално, во минималниот период на рестрикција од 28 дена не се користи а подоцна во траен режим е дозволено повремено. Истото важи и за спелтиното брашно.
- забрането е рафинирано сончогледово масло. Препорачано е обично маслиново масло за пржење и печење. Ладно цедените масла се користат само за салати. Дозволени се сите видови семки. Забранета е готварска сол.
- Дозволена е морска или хималајска сол.
Страници: 1 2 3 4
