Чизкејк со малини

Состојки

ЗА ОСНОВАТА
3 Јајца
60 гр Путер
150 гр Чоколадо со 72% какао
2 лаж Агаве сируп
1 лаж Спелтино брашно
ЗА ФИЛОТ
250 гр Маскарпоне
500 гр Млечна неутрална павлака
150 гр Чоколадо со 85% какао
300 гр Малини
1 лаж Агаве сируп

    Чизкејк со малини

    • Средно

    Еден од омилените рецепти за чизкејк, кој овој пат е прилагоден за хроно исхраната. Па затоа во траен режим може да си дозволите ваков вид на ужина кога ќе ви се јаде торта.

    Морам да нагласам дека воопшто не е благ, иако мое мислење е дека треба да се водите по рецептата, може да се додаде уште една или две лажици на агаве сируп во филот.

    Друго што треба да се внимава е павлаката за матење да нема додаден шеќер и да нема растителни масти кои не се дозволени во хроно.

    И на крај, уживајте во секое залче!

    Рецепт

    ЗА ОСНОВАТА

    • 3 Јајца
    • 60 грама Путер
    • 150 грама Чоколадо со 72% какао
    • 2 лажици Агаве сируп
    • 1 лажица Спелтино брашно

    ЗА ФИЛОТ

    • 250 грама Маскарпоне
    • 500 грама Млечна неутрална павлака
    • 150 грама Чоколадо со 85% какао
    • 300 грама Малини
    • 1 лажица Агаве сируп

    Инструкции за готвење

    1 | Подготовка на колачот

    Најпрвин на оган растопете го путерот заедно со чоколадото и оставете да се лади.

    Јајцата се матат заедно со агаве сирупот исто како и за секоја торта. Понатаму мешате со лажица и првин го ставате брашното, па постепено мешате и го додавате путерот со чоколадото.

    Во калап подмачкан со путер, ја истурате смесата и во загреана фурна на 180 степени и печете 45 минути.

    2 | Подготовка на филот

    Колачот треба да е скроз изладен пред да почнете со подготовка на филот.

    Чоколадото најдобро е да го стопите на пареа или во микробранова печка и оставите да се излади малку исто како за колачот.

    Слатката павлаката ја матите со миксер, но, не треба да е скроз цврста. На средина на матењето го додавате маскарпонето и агаве сирупот, па тогаш продолжувате да матите додека не добиете цврста смеса која не смее да има грутчиња.

    Смесата ја делите на два дела. Во едниот го ставате расоптеното чоколадо и мешате убаво со лажица. Во другата смеса ги ставате малините и матите со миксер за да се иситнат подобро.

    Колачот го вадите од калап и филувате првин со филот од чоколадо, па филот од малини.

    Најдобро е тортата да стои во фрижидер барем 3 часа пред послужување.

    На здравје

    готви и пишува

    Виолета Златкова

    ОСТАВЕТЕ КОМЕНТАР

    Врати се горе