Во недостиг на вистинска торта, оваа торта е замена за појадок и воодушевува колку многу е мека.
Рецепт
- 9 лажици Ржано брашно
- 4 Јајца
- 2 лажици Маслиново масло
- 100 гр ( количина без семки ) Маслинки
- 1 Црвена пиперка
- по желба Магдонос
- 1 Прашок за пециво
- 1/4 лажичка Сол
- Сусам
Инструкции за готвење
1 | Подготовка
Јајца заедно со солта се матат до густина како за пандишпан.
Понатаму не се користи миксер, само лажица за мешање.
Се додава пецивото, маслото, сецканите маслинки и пиперка и се меша се заедно. Брашното се додава постепено и се меша бавно за да не се останат грутки.
2 | Печење
Во садот каде што ќе печете секогаш е добро да ставите масло и малку брашно за да не ви се залепи.
Смесата се истура и може да стои 15 минути додека се загрее фурната.
Се пече 45 минути на 200 степени ако е висока како мојата. Ако е пониска или повисока корегирајте го времето за печење. И ако фурната е премногу јака, можете 30 минути на 200 степени и 20 минути на 180 степени.
Мој совет е да не ја сечете премногу топла за да не ви биде леплива. И додека се лади е добро да е покриена со крпа, па со ќеса.
На здравје!
Не е маратон, не е трка на кратки стази … вечно трчање е до подобра верзија од себе. До секое наредно “Браво” пред себе, до секоја воздишка пред спиење и “успеав и денес”.
Повеќе за мене
