Како и за обичната пастрмајлија, така и за хроно верзијата, највкусна е кога се прави со тазе маст. И мирисот и мекоста на тестото освојуваат.
Ова е моја верзија, а вие може да ја прилагодите на своите потреби.
Рецепт
ЗА ТЕСТОТО
- 3 чаши Ржано брашно (чашата е од 200 мл)
- 3 чаши Спелтино брашно (чашата е од 200 мл)
- 450 мл Топла вода
- 1 лажица Химелајска сол
- 1 Прашок за пециво
ЗА МЕСОТО
- 600 гр Свинско месо
- 1 лажица Црвен пипер ( зачин )
- 1 лажица Лут буковец
- По желба Сол и бибер
- 3 Јајца
- 3 лажици Свинска маст
Инструкции за готвење
1 | Подготовка на тестото
Најдобро е месото да се исецка и зачини претходната ноќ, за да ги впие сите зачини. Ако не сте го напраиле тоа претходно, најдобро е да го средите месото пред да почнете со тестото за да има време да одмори.
Се замесува меко тесто и се остава барем 20 минути да одмори. Се дели на 4 топчиња и од секое формирате по една пастрмајлија. Секоја од нив ја премачкувате убаво со маст.
2 | Печење
Се ставаат да се печат во загреана фурна на 200 степени околу 20 минути.
Потоа ги вадите, пак ги премачкувате со маст. Го ставате месото и јајцата и враќате да се пече уште 20-25 минути.
Кога ќе се готови, убаво е барем 5-10 минути да стојат покриени со пластична кеса или фолија.
На здравје!
Не е маратон, не е трка на кратки стази … вечно трчање е до подобра верзија од себе. До секое наредно “Браво” пред себе, до секоја воздишка пред спиење и “успеав и денес”.
Повеќе за мене
