Постојат многу варијации кога станува збор за маринирање на месо. Секогаш зачините може да ги адаптираме според она што го имаме дома или според вкусот.
Најдобро е секоја маринада да стои со месото минимум 2 часа, за да се упијат сите мириси на зачините. И секогаш е најдобро зачините да се свежи.
Овој рецепт е со маринада за пилешко месо, на која може да и додадете и малку црвено вино доколку сакате да добиете поостар вкус.
Рецепт
- 5 Пилешки батаци
- 50 гр Путер
- 50 мл Вода
ЗА МАРИНАДАТА
- Рузмарин
- Копар
- Чили
- Мајоран
- 1 лажица Црвен пипер (зачин)
- 2 лажици Маслиново масло
- 2 лажици Дижон сенф
- Сол и бибер
Инструкции за готвење
Пилешките батаци убаво ги миеме и ги оставаме на кратко во вода, додека ја подготвиме маринадата.
Во посебен сад ги мешаме сите состојки за маринадата. Секое парче месо го премачкуваме со смесата и веднаш го редиме во садот кој претходно го намрсуваме со мали парченца путер и во кој додаваме 50 мл вода.
Го затвораме садот со алуминиумска фолија и го ставаме во претходно загреана фурна на 200 степени. Печеме околу 60 минути и потоа ја тргаме фолијата додека не добиеме убаво печено пилешко месо.
На здравје!
