Рубриката “Готвиме со” ја започнуваме со Марјана Петрушевска која подготви брз и лесен појадок, кој може да го спремите за десетина минути. Останатите рецепти на Марјана можете да ги погледнете во групата Хроно исхрана на Facebook.
Рецепт
ЗА ЛЕПЧЕТО
- 120 гр. Интегрално брашно
- 50-60 мл. Вода
- Сол
ФИЛ
- 50 гр. Печурки
- 100 гр. Моцарела во вода
- 3 супени лажици Доматно пире
Инструкции за готвење
1 | Подготовка
Се замесува и се дели на два дела . Секој дел се расукува подеднакво на намрсена хартија. На едниот дел се става фил по избор (во овој случај моцарела, доматен сос, печурки и зачини) се поклопува со другата кора и се затвора странично да не излезе филот.
2 | Пржење
На тефлонско тавче се става малку путер, па се пржи едната страна од лепчето 1-2 минути. Се превртува од другата страна и повторно се премачкува со малку путер. Постапката ја повторуваме 2 до 3 пати и за вкупно 10 мин. ќе имате убаво крцкаво полнето индиско лепче.
