Идеална здрава замена за готовите процесирани бисквити. Многу се вкусни и по неколку денови. Излегуваат тродупло од она што е на сликата пред печење.
Рецепт
- 450 гр Интегрално пченично брашно
- 100 гр Путер
- 6 лажици Кокосов шеќер
- 1 Јајце
- 1 Белка
- 1/4 мала лажичка Сода бикарбона
- 130 мл Вода
ЗАЧИНИ
- Ѓумбир
- Цимет
- Мускатно оревче
Инструкции за готвење
1 | Подготовка
Го растопувате шеќерот на средна температура и цело време мешате. Кога ќе биде убаво растопен, ги додавате путерот и водата и мешате се додека не се добие карамел.
Ако имате време ладете на собна температура. Јас немав толку време и во голем сад со ладна вода го ставив тенџерето да се излади и после 15 минути тенџерето го ставив во замрзнувач.
Откако ќе се излади карамелот ќе добие малку на густина, и потоа го вадите и го додавате во садот со брашното. Во истиот сад ги додавате содата, јајцето и белката и месите се додека не добиете хомогена смеса.
Во проѕирна фолија го замотувате тестото и го ставате во фрижидер половина час.
2 | Печење
Ако сакате да ви се тенки, сукате скроз тенка кора. Откако ќе ги направите формите, ја вклучувате рерната на 200°Ц и печете 15 минути.
СOВЕТ: Јас расукувам на масло, затоа што ако наросите брашно, може да остане на нив и да бидат посуви.
Не е маратон, не е трка на кратки стази … вечно трчање е до подобра верзија од себе. До секое наредно “Браво” пред себе, до секоја воздишка пред спиење и “успеав и денес”.
Повеќе за мене
