Мојот хроно дневник/ Сé за Хроно

Никогаш, никогаш не откажувајте се!се чита за 6 минути

Мојот-хроно-дневник---Виолета-Златкова

Хроно дневник

на хронерот: Виолета Златкова (личен facebook профил)
изгубени килограми: –26 кг.
во период: 18 месеци од кои 6 месеци на рестрикција и 12 месеци во траен режим

Можеби не сум најкомпететниот човек затоа што во животот, односно во изминатите 20 години, си дозволив толку многу варијации во килажата и здравјето. Но, баш и од таа причина гласно кажувам, никогаш не се откажувајте и не кревајте раце од себе! Дури и 500 оброци по хроно да имате во една година е подобро од ништо… дури и пречести паѓања да имате, најдете начин да се охрабрите и да продолжите.

Зошто започнав со хроно исхрана

Почнав со хроно најмногу заради инсулинската резистенција и метаболниот синдром за кој знам од својата 17 година…пола од животот практично живеам со тоа. Тотален хормонален дисбаланс, лош липиден статус, за прв пат во животот бев и анемична и рекорден инсулин од 180 на гладно…

Најлошото во целата приказна е што знаев се што си правам, знаев доволно за храната, барем основното, раководеејќи се по исхраната на ендокринолозите и 5 години живеејќи на таа исхрана. Ама 2 години од животот иако знаев дека појадокот со смуди ќе “ме убие”, дека компирите со сирење без контрола ќе ми го кренат инсулинот до плафон и после два саати ќе јадам благо како да е последно на светот… дека по кило овошје на ден ниту било ниту ќе биде здраво за инсулинска резестенција… Се знаев и по не знам кој пат во животот си најдов милион изговори за да го направам тоа.

И последното нешто што си го зезнав од преголемиот внес на јагленихидрати, најмногу со благото, тестенините, со неконтролираното јадење овошје и пиење смуди и компирите без усул – беше тоа што си ја замастив јетрата и тоа до ужасна состојба.

Се додека не отидов на контрола утрото кога не можев и не сакав да станам од кревет, затоа што ми изгледаше пренапорно да се живее цел еден ден во својата кожа …

Никогаш претходно не сум имала толку лоши резултати и никогаш претходно не сум се чувствувала така, можеби и затоа се сите тие оброци без ниедна грешка цела година. Јас не сакам назад, не го сакам чувството на немоќ наутро … не се сакам себеси кога имам уште 100 години живот, така да ги поминам.

Здравствени придобивки кои ми ги донесе хроно исхраната

После една година на хроно инсулинот ми е 9, тироидната посовршена никогаш не била, целиот хормонален статус како што требаше да ми биде на девојче на 18 години, липиди скоро до совршени параметри, хемоглобин 148 и железо од 24. Јетрата и ензимите уште после третиот месец беа супер.

Ако не беше хроното немаше да дознаам дека имам голем недостаток на витамин Д, па сега сум со терапија за него и очекувам дека на следната контрола ќе биде подобар.

Нема посреќен човек од мене денес. Можам цел ден да го поминам на нозе и да не го почувствувам оној хроничен умор и животински апетит кој знаел секогаш да биде посилен од мене. Не сум оптоварена дали имам изедено плус едно јајце или дали цвеклото ми е 100 грама за да не ги надминам лебните единици за ручек…

Естетиката не е најважна, но секако е важна

Започнав со 96 килограми, за 2.5 месеци намалив 12 кг., на 10 месеци веќе бев полесна за 25 кг.

Започнав со 96 килограми, за 2.5 месеци намалив 12 кг., на 10 месеци веќе бев полесна за 25 кг.

На вагата и станав напорна, не ради килата, они се бројка што ради сатисфакција ја чекав фамозната 69 да ја видам… веќе е само бројка. Заради тоа што се радувам дека јас сум најадена, човек како мене што е гурман и ужива во храната може да си дозволи да јаде до ситост и да не стигне до 130 кила пак.

И се радувам и ќе си останам “опсесивна” со нејзе, затоа што е тука да ме потсетува колку радост носи чувството на леснотија и задоволството во своја кожа секое утро. Ритуал кој не ми пречи и ми дава сигурност …

На првата слика имам 93 кг., стартував со 96.1 кг. на хроно, на десната слика имам 70 килограми. Скоро се што имам изгубено во килажа се масти, затоа и мислам дека е очигледен обемот.

Моите очекувања од хроно се да останеме уште долго во љубов

Во наредната година се надевам дека ќе успеам да го средам и одразот во огледалото на гаќи! и да сменам конструкција со минус 20 сантими обем во стомак.
Секако не мрдам од хроно јас, дали надвор од рестрикција, дали модифицирана рестрикција или повремено казнување … хроно е!

За мене не само што е љубов, туку живот е. И за оваа една година премногу ми е сменет менталниот склоп по однос на храната, па тоа мислам дека ми е и најголемиот бенефит за да може да се издржи долго на хроно.

Телото памети се, за жал, лошата исхрана и вишокот килограми кога тогаш си наплаќаат преку здравјето. А не вреди ниедна торта, ниедно благо, или кило помфрит со сирење кога борбата почнува и завршува со него.

Други корисни линкови:

Сподели

Слични содржини

9 Коментари

  • Реплицирај
    Кристина
    19 јули , 2018 at 13:19

    Здраво Виолета,
    Пред извесно време и мене ми кажаа на лекар дека имам замастен црн дроб ( на крвната слика беше сосема во ред, но кога ме погледна на ехо ми кажа дека ми е замастен) и ми кажа да пијам чај од бел ( магарешки ) трн, како и да симнам на килажа, почнав со УН диета но некако не е како што треба. Сега од како го прочитав твоето искуство сакам и јас да почнам да го практикувам овој вид на исхрана, само едно кратко прашање – дали ќе смета ако продолжам со чајот ( како што прочитав во делот се за почетници и старт со хроно видов дека билните чаеви не се проблем за консумација )? И од каде најчето ги купувате сувомеснатите производи..
    Ви благодарам

  • Реплицирај
    Зорица Бебекоска Спиридонов
    23 септември , 2017 at 14:24

    Респект 🙂

  • Реплицирај
    Ana Markoska
    23 септември , 2017 at 11:40

    Pocnav so hrono ishrana na 24.06.2017 i do deneska imam oslabeno 16 kg. Imam poveke energija od koga i da bilo,pesacam bez da se zadisuvam premnogu(porano ne mozev zdiv da zemam koga ke se zadisev ?) krvniot pritisok veke poleka mi se normalizira… Znam deka sum na pocetok no za ovie 3 meseci jas se cuvstvuvam kako da imam 15 hodini a ne 31… HRONO E LJUBOV… Ti blagodaram Violeta sto nesebicno ni davas soveti i tvoite prekrasni recepti.
    So pocit
    Ana

    • Реплицирај
      Виолета Златкова
      23 септември , 2017 at 13:50

      Ана, јас после првите три месеци веќе бев како нов човек. Знам дека звучи неверојатно ама ете, кога ќе се почувствува на своја кожа станува сосема реално.

      Само продолжи напред, заедно можеме! Фала ти и на тебе.

  • Реплицирај
    Анонимен
    23 септември , 2017 at 10:49

    Sekoja cost alal da vie

  • Реплицирај
    Svetlana
    23 септември , 2017 at 10:05

    Na 21.09 napolniv 1god. odkako sum na hrono i namaliv 30 kg. (startuvav so 126.8, a sega sum 96 kg.) Uste vo prviot mesec nemozev da se prepoznam. Bev tolku raspolozena i vedra. Toa go zabelezaa moite koleski na rabota i majka mi. Posle nekolku meseci lugeto prosto ne me prepoznavaa i me odminuvaa, a nekoi me prasuvaa dali sum jas i od sto taka sum oslabela ( misle da ne sum bolna ), a jas so gordost im odgovarav ,, HRONO I SE E MOZNO !!!… Sega i neznam sto da mi davaat jas od HRONO ne se otkazuvam …. )))

    • Реплицирај
      Виолета Златкова
      23 септември , 2017 at 13:49

      Тоа е “зависноста” што ја прави хроно. Убавото чувство и леснотијата никој не сакаме да го изгубиме.

      Браво Светлана!

    Оставете коментар