Сакав да се почастам за една година на хроно. Со што, ако не со домашно чоколадо?
Рецептата ја правев со огромно уживање, а сепак со доза на страв каков ќе биде вкусот и дали ќе ми ја задоволи желбата за чоколадо.
На мое големо изненадување, превкусно е!
Рецепт
- 100 мл Кокосово масло
- 1 лажица Агаве сируп
- 5 лажици Какао во зрно
Инструкции за готвење
Кога ќе се растопи кокосовото масло ( јас го чувам во фрижидер ) се става смелено какаото и агаве сирупот.
Се меша една минута на оган за да се соединат состојките. После се ставаат во калапчиња и во замрзнувач на пола саат.
Во неколку има свежи боровинки, во неколку кршени бадеми. Затоа пола ги полнев, замрзнував неколку минути па дополнував со смесата.
Потребно е многу кратко време да се замрзнат убаво затоа што се малечки.
На здравје!
