Денес готвиме заедно со Славица Пановска која ни подготви тортиљи полнети со хумус/ајвар, јајце на око, марула, домат и краставичка. Останатите рецепти на Славица можете да ги погледнете во групата Хроно исхрана на Facebook.
Рецепт
ЗА ТОРТИЉАТА
- 200 гр. Ржано брашно
- 2 гол. лаж. Маслиново масло
- 1/2 мал. лаж Прашок за пециво
- 1/2 мал. лаж Химелајска сол
- 400-500 мл. Вода
ЗА ПОЛНЕЊЕТО
- 2 Јајца на око
- 2 листа Марула
- 1/2 Домат
- 1/2 Краставица
- 2 гол. лаж. Хумус
- 2 гол. лаж. Ајвар
- Сол и бибер
Инструкции за готвење
1 | Подготовка на тортиљата
Ги ставаме состојките за тортиљата во подлабок сак и додаваме вода по потреба, околу 400 до 500 мл. Тестото не треба да е многу течно, малку погусто од она за палачинки.
Се пече на тефлон тава покриена со капак или фолија, на тивко и од двете страни.
2 | ПолнењеРжано брашно на тортиљата
Едната тортиља ја премачкуваме од едната страна, со една голема лажица хумус. Го редиме листот марула и врз него го ставаме прженото јајце на око. Го зачинуваме јајцето со сол и бибер и врз него ги ставаме сецканите домати и краставички.
Втората тортиља ја премачкуваме со една голема лажица ајвар и на истиот начин ги редиме останатите состојки (со исклучок на доматот).
Секако, начинот на редењето како и самото полнење може да биде по Ваша желба.
На здравје!
