Проја со ајвар

Состојки

4 Јајца
2 чаши Ржано брашно од 250 мл
5 лажици Ајвар
100 грама Сланина
5 лажици Маслиново масло
1 чаша Кисела вода од 250 мл
1 Прашок за пециво
1 м. лаж Сол

    Проја со ајвар

    • Средно

    Овој рецепт за проја најмногу го имам правено и со право можам да кажам дека секогаш е успешен и многу вкусен, дури и да го модифицирате со состојките.

    По ваша желба можете да ја исфрлите сланината доколку не сакате да ја користете во овој рецепт, а може да додадете и сецкани маслинки. Исто така ако немате кисела вода, може и со обична вода ама да не е ладна.

    Рецепт

    • 4 Јајца
    • 2 чаши од 250 мл) Ржано брашно
    • 5 лажици Ајвар
    • 100 грама Сланина
    • 5 лажици Маслиново масло
    • 1 чаша од 250 мл Кисела вода
    • 1 Прашок за пециво
    • 1 мала лажичка Сол

    Инструкции за готвење

    1 | Подготовка на смесата

    Јајцата се матат исто како за торта. Се исклучува миксерот и понатаму пројата ја мешате со дрвена или обична голема лажица.

    Се става пецивото, солта, маслото, сланината, ајварот и водата. Се мешаат убаво состојките и постепено се додава брашното, мешаајќи цело време. Треба мешањето да биде побавно за да не се залепи брашното одеднаш.

    2 | Подготовка за печење

    Смесата се истура во сад за печење кој е убаво намачкан со масло. По ваша желба може да ставите сусам и долу и врз пројата.

    Се пече околу 50-60 минути на 200 степени.

    Совет, никогаш не ја сечете додека е топла затоа што ќе биде леплива. А кога ќе се излади убаво може и да ја замрзните, не губи на вкус.

    На здравје!

    готви и пишува

    Виолета Златкова

    ОСТАВЕТЕ КОМЕНТАР

    Врати се горе