48 дневно хроно мени за Велигденските пости 2018

“Кога постот e во прашање, а зборуваме за правите пости, може да
се каже дека тој претставува големо прочистување на телото и на духот. Ова не важи за модерното гледање на постот, каде се внесуваат одредени намирници како што се растителните сирења, гауда, трапист, разни пити од компири, посни
колачиња или бројни замени за месо како шницли од соја, ” – страна 9 од прирачникот на др. Ана Гифинг

За време на долги пости, потребно е оброците да бидат балансирани како би се постигнал препорачаниот дневен внес на протеини и масти.

Протеините преставуваат важен макронутриент кој организмот ги користи за раст и градење на коските, мускулите, ткивата, внатрешните органи, на кожата и на крвта. Составени се од аминокиселини, додека есенцијални аминокиселини мора да се внесуваат преку исхраната, бидејќи организмот не може сам да ги произведе.

Препорачаниот дневен внес на протеини изнесува 0,8 грама протеин по килограм телесна тежина. Ова  е минималниот износ кој треба да го внесувате секој ден.

Најдобар извор на протеини од растително потекло е алгата спирулина, темнозелениот зеленчук, тофу, мешункасти плодови, јатки и семки, житарици од цело зрно, овес, чиа, пченична трева.

Протеини од растително потекло

Целозрнести житарки

Хељдата содржи 13 гр. протеин во 100 гр. Не содржи глутен, што ја прави корисна за луѓето кои страдаат од нетолеранција кон него. Богата e со растителни влакна и создава чувство на ситост.

Киноата содржи 13 гр. протеин во 100 гр. Богата е со растителни влакна и има својство да го контролира нивото на шеќерот во крвта и инсулинот.

Овесот одржи 12 гр. протеин во 100 грама. Белковините во овесот се составени од есенцијални аминокиселини, а освен нив содржи и многу витамини и минерали.

Амарантот содржи 10 гр. протеин во 100 гр. Ја стимулира работата на дигестивниот систем и богат е со витамини и минерали.

Јаткасти плодови

Јаткастите плодови спаѓаат во високо протеинска исхрана. Воедно, јаткастите плодови се одличен извор на здрави масти и помагаат во одржување на нивото на шеќерот во крвта на долг временски период. Бадемите, индиските ореви, кикиритките, лешниците и оревите се богати со витамини и минерали, не содржат холестерол и штитат од срцеви заболувања.

Бадемите  и лешниците го содржат антиоксидансниот  витамин  Е, оревите ги содржат есенцијалните Омега-3 масни киселини, додека индиските ореви содржат магнезиум и железо.

Бадемите содржат малку масти а се богати со протеин, во 100 гр содржат 21 гр протеин.

Лешниците содржат 15 гр. протеини во 100 гр. лешници.

Семиња

Семето од копон е рекордер во количеството протеин кое го содржи. Во една супена лажица содржи 10 гр. протеин.

Сусамот во една супена лажица содржи скоро 2 гр. протеин.

Семките од тиква содржат 19 гр. протеини во 100 гр. семки. Семките од тиква се богати со Триптофан. Амино киселина која го стимулира лачењето на серотонинот, познат како хормон на среќата. Исто така содржат и магнезиум и цинк.

Лененото семе е полно со протеини, содржи 2 гр. протеин во една супена лажица. Исто така е и извор на омега масни киселини. Најдобро е да се употребува мелено, бидејќи на тој начин може да се искористат неговите лековити и хранливи својства. При консумирање, најдобро е семето да се сомеле непосредно пред употреба.

Чиа семето содржи осум есенцијални аминокиселини како и магнезиум, калциум, цинк, белковини и омега 3 масни киселини. Во две лажички чиа семе има скоро 10 грама белковини, а можат да се додадат во кое било јадење.

Легуменози

Грашокoт содржи 5.6 гр. протеин во 100 гр.

Грав е одличен извор на диетални влакна кои допринесуваат за создавање на чувството на ситост, притоа одржувајќи го стабилно нивото на шеќер во крвта. Гравот содржи и витамини и тоа фолна киселина, тиамин, пиридоксин (Б6), витамин К, рибофлавин (Б2), пантотенски киселини и ниацин (Б3). Во 100 гр. сварен бел грав има скоро 10 гр. протеин.

Леќата е богата со протеини и растителни влакна. Во 100 гр. зготвена леќа содржи 9 гр. протеин. Не содржи заситени масти, не содржи холестерол и е извонреден извор на растворливи и нерастворливи растителни влакна.

Наут освен протеини содржи и растителни влакна. Влијае позитивно на намалвањето на нивото на лош холестерол во крвта. Во 100 гр. хумус има 9 гр. протеин а во 100 гр. фалафел кофтиња содржината на протеин достигнува до 13 гр.

Зеленчук

Кељот е победникот помеѓу зеленестиот зеленчук и содржи 4.3 гр. протеини во 100 гр. свеж кељ.

Брокула и спанаќот содржи 2.8 гр. протеин во 100 гр. свежа зеленчук.

Прокељот во 100 гр. содржи 3.4 гр., и 389 мг Калиум и 177 мг. витамин К.

Карфиол содржи 2 гр. протеини во 100 гр. свеж карфиол.

Печурките содржат содржат 18 амино киселини и преставуваат комплетна намирница во однос на внесот на потребни амино киселини. Во 100 гр. грилувани бели печурки има 3.5 гр. протеин.

Хроно правила

• цело зрно житарки се дозволени 4 пати во неделата. Прочитајте зошто треба да ги потопуваме житарките и подолго да го ферментираме лебот
  препорака за припрема на кашите од цело зрно житарка: oд вечер потопете ги житарките во ладна вода со малку морска сол (однос 1:3 те. една шолја житарки, 3 шолји вода), ставете да се варат и откако ќе почнат да вријат оставете ги уште 3-4 минути. Потоа тргнете ги од ринглата и покријте ги со капак да отстојат во текот на ноќта. Утрото доколку имаат вишок течност, процедете ја житарката.
• скробен зеленчук е дозволен неколку пати во неделата. Во ова мени скробните
  ручеци се застапени 3 пати неделно.
• препорачаниот дневен внес на протеини зависи од многу фактори како: пол, возраст, активност, висина, тежина како и од целта која сакаме да ја постигнеме. Погледнете ја листата со извор на протеин од растетeлно потекло како и направете пресметка за дневниот внес на протеини кој вам ви е потребен.

Црковни правила

Велигденскиот пост трае вкупно 48 дена од кои 40 дена (Четириесетница), од Чист
понеделник до Лазарова сабота и последната Велика (Страдална) седмица која
трае од Цветници до Велигден.

• Oд понеделник до петок е строг пост.
• Во сабота и недела и на одредени празници се дозволува масло и вино. Сите јадења вклучувајќи го и лепчето се приготвуваат без масло освен во деновите кога е дозволено.
• Масло и вино се допушта и на празниците:
  • 21ми февруари, среда,  Св. Вмч. Теодор Стратилат
  • 23ти февруари петок, Св. Свешт-мл. Харалампиј
  • 2ри март петок, Св. Вмч. Теодор Трон
  • 9ти март петок, I и II наоѓање на главата на Св. Јован Претеча
  • 12ти март понеделник, Св. мч. Агатагел битолски
  • 22ти март четврток, Св 40 Севастиски маченици – Младенци
  • 1ви април недела, Свечено влегување во Ерусалим – Цветници
  • 5ти април четврток – Велики четврток
• Дозволена е риба за ручек и вечера на празникот:
  • 1ви април Цветници

Продолжува на страна 2:

Појадок

Страници: 1 2 3 4